माया तजे ते क्या भया । जो मान तजो नहिं जाए ।
जेहि माने मुनिवर ठगे । मान सभन को षाए ।
माया के झक जग जरै । कनक कामिनी लाग ।
कहैं कबीर कस बांचिहो । रुई लपेटी आग ।
माया जग साँपिनि भई । विस ले पैठि पतार ।
सब जग फंदे फंदिया । चले कबीरू काछ ।
साँप बिछू का मंत्र है । माहुर झारा जाए ।
विकट नारि के पाले परा । काटि करेजा षाए ।
तामस केरी तीन गुन । भैंर लेइ तहँ बास ।
एकै डार तीन फल । भांटा ऊष कपास ।
मन मतंग गैजर हनै । मनसा भई सचान ।
जंत्र मंत्र मानै नहीं । लगै सो उडि उडि षान ।
मन गजेन्द्र मानै नहीं । लगै सुरति के साथ ।
दीन महावत क्या करै । जो अंकुस नहीं हाथ ।
माया है चूहडी । औ चूहडे की जोए ।
बाप पूत अरुझाय के । संग न काहु के होए ।
कनक कामिनी देषि के । तू मति भुलहु सुरंग ।
मिलन बिछरन दोउ हेलरा । जस केचुलि तजत भुजंग ।
माया केरी बस परै । ब्रह्म बिस्नु महेस ।
नारद सारद सनक सनंदन । गौरी पुत्र गनेस ।
पीपरि एक महागिर्भनी । ताकर मर्म काइ नहिं जानि ।
डार लंब फल कोइ न पाय । षसम अछत बहु पीपरि जाए ।
साहु से भौ चोरबा । चोरहि से भौ हित्त ।
तब जानहुगे जीयरा । जब मार परैगी तुझ्झ ।
ताकी पूरी क्यों परे । गुरु न लषाई बाट ।
ताके बेडा बूडि है । फिर फिर औघट घाट ।
जाना नहीं बूझा नहीं । समुझि किया नहि गौन ।
अंधे को अन्धा मिला । राह बतावै कौन ।
जाको गुरु है आँधरा । चेला काह कराए ।
अंध अंधा पेलिया । दूनो कूप पराय ।
लोगों केरी अथाइया । मत कोइ पैठो धाए ।
एकै षेत चरत है । बाघ गदहा गाए ।
चार मास घन बरसिया । अति अपूर बलनीर ।
परिहे जडवत बषतरी । चुभै न एकौ तीर ।
गुरु की भेली जिव डरै । काया सीचनहार ।
कुमति कमाई मन बसै । लाग जुबा की लार ।
तन संसय मन सोनहा । काल अहेरी नित्त ।
एकै डांग बसेरवा । कुसल पुछो का मित्त ।
साहु चोर चीन्है नहीं । अंधा मति का हीन ।
पारष बिना बिनास है । करि विचार रहु मीन ।
गुरु सिकलीगर कीजिए । मनहि मसकला देए ।
सब्द छोलना छोलि के । चित दर्पन करि लेए ।
मुरुष के सिषलावते । ग्यान गाँठ का जाए ।
कोइला होइ न ऊजरा । सौ मन साबुन लाए ।
मूढ क्र्मिया मानवा । नष सिर पाषरि आहि ।
बाहनहारा क्या करे । बान न लागे ताहि ।
सेमर केरा सूवना छिवले बैठो जाए ।
चोंच संवारे सिर धुनै ई उस ही को भाए ।
सेमर सुवना बेगि तजु घनी बिगुरचा पाँष ।
ऐसा सेमर जो सोवै हृदया नाहीं आँष ।
सेमर सुवना सेइया दुइ ढेढी की आस ।
ढेढी फूरि चटाक दे सुवना चला निरास ।
कोई टिप्पणी नहीं:
एक टिप्पणी भेजें