अथ कहरा प्रारभ्यते
कहरा पहिला
सहज ध्यान रहु सहज ध्यान रहु, गुरु के वचन समाई हो ।
मेली सिष्ट चराचित राखो, रहो दृष्टि लौ लाई हो ॥
जो खुटकार वेगि नहिं लागो, ह्रदय निवारहु कोहू हो ।
मुक्ति की डोरि गांठि जनि खैंचो, तब बाझी बङ रोहू हो ॥
मनुवो कहौ रहै मन मारै, खीझवो खीझि न बोलै हो ।
मनुवो मीत मिताइ न छोङै, कबहूँ गाँठ न खोलै हो ॥
भूलौ भोग मुक्ति जनि भूलौ, योगयुक्ति तन साधौ हो ।
जो यहि भांति करहु मतवारी, ता मत के चित बांधो हो ॥
नहिं तो ठाकुर है अति दारुण, करि है चालु कुचाली हो ।
बांधि मारि डारि सब लेहै, छूटी सब मतवाली हो ॥
जबहीं सामत आइ पहुँचे, पीठि सांट भल टूटै हो ।
ठाढ़े लोग कुटुम्ब सब देखै, कहे काहु किन छूटै हो ॥
एक तो अनिष्ट पाउं परि विनवै, विनती किये न मानै हो ।
अन चिन्ह रहे कियो न चिन्हारी, सो कैसे पहिचानै हो ॥
लेइ बोलाय बात नहिं पूछै, केवट गर्भ तन बोलै हो ।
जे करि गांठि सबल कछु नाहीं, निराधार ह्वै डोलै हो ॥
जिन्ह सम युक्ति अगमान कै राखिन, घरणि मांझ धरडे हरि हो ।
जे करे हाथ पांव कछु नाहीं, धरणि लाग तन से हरि हो ॥
पेलना अक्षत पेलि चलु बौरे, तीर तीर कह टोवहु हो ।
उथले रहौ परो जनि गहिरे, मति हाथै कै खोवहु हो ॥
तर कै घाम उपर कै भूभुरि, छांह कतहुँ नहि पावहु हो
।
ऐसो जानि पसीजहु सीजहु, कस न छतरिया छावहु हो ॥
जो कछु खेल कियो सो कियो, बहुरि खेल कस होई हो ।
सासु ननद दोउ देत उलाटन, रहहु लाज मुख गोई हो ॥
गुरु भो ढील गोन भो लचपच, कहा न मानेहु मोरा हो ।
ताजी तुरकी कबहुं न साजेहु, चढ़यो काठ के घोरा हो ॥
ताल झांझ भल बाजत आवै, कहरा सब कोइ नाचै हो ।
जेहि रंग दुलहा ब्याहन आये, तेहि रंग दुलहिन राचै हो
॥
नौका अछत खेवै नहिं जान्यो, कैसे लागहु तीरा हो ।
कहै कबीर रामरस माते, जोलहा दास कबीरा हो ॥
कोई टिप्पणी नहीं:
एक टिप्पणी भेजें